Թուրքիայի Ազգայնական շարժում կուսակցության առաջնորդ Դևլեթ Բահչելին հայտարարել է, որ Ստամբուլի ձերբակալված նախկին քաղաքապետ Էքրեմ Իմամօղլուի դատավարությունը պետք է ուղիղ հեռարձակվի երկրի բոլոր հեռուստաալիքներով։
«Դատավարությունը պետք է ուղիղ հեռարձակվի բոլոր հեռուստաալիքներով, այդ թվում՝ պետական TRT-ով։ Թուրք ժողովուրդը պետք է տեսնի և իմանա, թե ինչ է կատարվում», - ասել է Բահչելին խորհրդարանում՝ իր կուսակցության խմբակցության նիստում։
Թուրքիայի նախագահ Ռեջեփ Թայիփ Էրդողանի իշխող դաշինքի դաշնակիցներից մեկի խոսքով՝ «Ստամբուլի քաղաքապետարանի դեմ [կոռուպցիայի համար] մեղադրանքների դատավարությանը ուղիղ եթերում հետևելու հնարավորությունը» կօգնի ամրապնդել երկրում «ժողովրդավարության նկատմամբ հավատը»։
Ավելի վաղ Իմամօղլուն առաջարկել էր, որ իր դատավարությունը ուղիղ հեռարձակվի թուրքական հեռուստատեսությամբ։
