Իսրայելը Միջազգային քրեական դատարանին (ICC) խնդրել է հեռացնել դատախազ Քարիմ Խանին Իսրայելի հետ կապված վարույթից և չեղյալ համարել Իսրայելի վարչապետ Բենիամին Նեթանյահուի և նախկին պաշտպանության նախարար Յոավ Գալանտի ձերբակալման օրդերները, հաղորդում է Իսրայելի արտաքին գործերի նախարարության մամուլի ծառայությունը։
«Իսրայելը միջնորդություն է ներկայացրել Միջազգային քրեական դատարանի վերաքննիչ պալատ՝ դատախազ Քարիմ Խանին Իսրայելին վերաբերող դատավարություններին մասնակցելուց որակազրկելու համար»։
«Ավելին, Իսրայելը դատարանից խնդրում է չեղյալ համարել դատախազի կողմից վարչապետ Բենիամին Նեթանյահուի և նախկին պաշտպանության նախարար Յոավ Գալանտի դեմ տրված անհիմն ձերբակալման օրդերները», - ասվում է հայտարարության մեջ։
Արտաքին գործերի նախարարությունը հավելել է, որ միջնորդությունը «ոչ մի կերպ չի ազդում Իսրայելի մյուս հայտարարությունների վրա Նեթանյահուի և Գալանտի ձերբակալման օրդերների անվավերության վերաբերյալ, այդ թվում՝ Միջազգային քրեական դատարանի իրավասության բացակայության պատճառով»։
