Գերմանիայի կանցլեր Ֆրիդրիխ Մերցը կարծում է, որ հին աշխարհակարգը վերջացել է։ Նա այս կարծիքը հայտնել է Բեռլինում՝ «Զյուդդոյչե Ցայթունգ» թերթի կողմից կազմակերպված տնտեսական համաժողովում։
«Մենք դեռ չգիտենք, թե ինչ տեսք կունենա այն աշխարհակարգը մի քանի տարի հետո, բայց մենք բավականին հաստատ գիտենք, որ այն կարգը, որը մենք՝ Արևմուտքում, գիտեինք վերջին 80 տարիների ընթացքում, իսկ Արևելքում՝ 35 տարի, որ այս աշխարհակարգն այժմ է՝ այս օրերին, շաբաթներին, ամիսներին, այսօր, այս օրը, երբ մենք այստեղ ենք հանդիպում, ավարտվել է»,-ասաց Մերցը։
«Եվ եթե մենք ցանկանում ենք ձևավորել նոր աշխարհակարգ, ապա դա հնարավոր է միայն մեր եվրոպացի հարևանների հետ միասին», - հավելել է նա։
Կանցլերը նշել է, որ Գերմանիայի կառավարության առջև ծառացած մարտահրավերները «այնքան բազմազան են, որքան հազվադեպ են եղել նախկինում, և, հնարավոր է, կախված իրադարձությունների զարգացումից, երբեք՝ ԳԴՀ-ի հետպատերազմյան պատմության մեջ»։
Դրանց թվում Մերցը նշել է Ուկրաինայի հակամարտությունը, Չինաստանի հետ հարաբերությունները և Միացյալ Նահանգների հետ առևտրային տարաձայնությունները։
