Շաբաթ օրը Կիևի կենտրոնում տեղի է ունեցել Վլադիմիր Զելենսկու և Ուկրաինայում կոռուպցիայի դեմ հանրահավաք՝ գործարար և Զելենսկու գործընկեր Թիմուր Մինդիչի մասնակցությամբ խոշոր էներգետիկ սկանդալի ֆոնին, հաղորդում է ուկրաինական Strana.ua հրատարակությունը։
Ուկրաինացի ակտիվիստ Մարիա Բարաբաշը նախկինում հայտնել էր, որ շաբաթ օրը Կիևի Անկախության հրապարակում հանրահավաք է կազմակերպում՝ էներգետիկայի ոլորտում խոշոր կոռուպցիոն սկանդալի հետ կապված։
«Այսօր Կիևի Մայդանում (Անկախության հրապարակում) տեղի ունեցավ կոռուպցիայի և Զելենսկու դեմ հանրահավաք։ Հավաքվել էր մոտ 100 մարդ», - ասվում է հրատարակության Telegram ալիքում հրապարակված հաղորդագրության մեջ։
Հրատարակության տվյալներով՝ հանրահավաքի մասնակիցները պաստառներ էին պահել՝ «Զելենսկին հանցագործ է», «Ոչ կոռուպցիային» գրություններով, ինչպես նաև ի պաշտպանություն Ուկրաինայի ազգային հակակոռուպցիոն բյուրոյի (NABU) դետեկտիվ Ռուսլան Մագոմեդրասուլովի, ով ձերբակալվել է SBU-ի կողմից։
