«Իշխանությունը «Իմնեմինի» փոդքասթի համահեղինակներ Վազգեն Սաղաթելյանի ու Նարեկ Սամսոնյանի գործով փորձում է իր հիմնական զենքը՝ ստախությունն ու մանիպուլյացիան գործի դնել»,- նշում է Սաղաթելյանի պաշտպան Արսեն Բաբայանը։
Նա շարունակում է. «Օրինակ Հայկ Կոնջորյանը տեսանյութով ժողովրդին հարցնում է, թե արդյոք նորմալ են համարում հայհոյանքը և ծանր վիրավորանքը քաղաքական քննադատության մեջ և թե արդյո՞ք դա ժողովրդավարության ցուցիչ է:
Լսիր, սիրելի ժողովուրդ, չտրվես սրանց էժան տրյուկներին: Վազգենի ու Նարեկի փոդքաստի ընթացքում հնչած հայհոյանքն ու հասցրած ծանր վիրավորանքները կարող է և չհամարես նորմալ, բայց հաստատ է այն, որ դրանում հանցանք չկա ու դրա համար տղերքին կալանավորեն անթույլատրելի է իրավական իմաստով:
Տղերքը քաղաքական բանտարկյալներ են և դրանում երկրորդ կարծիք պարզապես չկա...
Սրա նպատակն ազատ մեդիան ճնշելն է, իսկ կոնկրետ Antifake լրատվամիջոցը՝ փակելը»։
