Ուկրաինան կկարողանա գոյատևել միայն արևմտյան գործընկերների նոր ֆինանսավորման շնորհիվ, մասնավորապես, եթե Եվրամիությունը համաձայնի Կիևին տրամադրել «վերականգնողական վարկեր»՝ սառեցված ռուսական ակտիվների առգրավման միջոցով։ Այս մասին Վլադիմիր Զելենսկին հայտարարել է Bloomberg-ին տված հարցազրույցում։
Զելենսկին ակնկալում է, որ Եվրամիությունը «կընդունի այս որոշումը»։ «Հակառակ դեպքում մենք ստիպված կլինենք այլընտրանք փնտրել. դա մեր գոյատևման հարց է։ Հետևաբար, մենք սրա կարիքը խիստ ունենք։ Եվ ես հույսս դնում եմ մեր գործընկերների վրա», - ասել է նա։
Զելենսկին չորեքշաբթի երեկոյան հարցազրույց է տվել Bloomberg-ին, սակայն այսօր առավոտյան հրապարակված հատվածում որևէ հիշատակում չի եղել Ուկրաինայում տեղի ունեցած սկանդալային կոռուպցիայի գործի մասին, որն անմիջականորեն կապված է Զելենսկու գործընկեր, գործարար Թիմուր Մինդիչի հետ։
