Նիկոլ Փաշինյանը և Կլոդ Վիզլերը քննարկել են Հայաստան-Ադրբեջան խաղաղության պայմանագրի շուրջ քննարկումների հարցեր

23.05 19:58 | Կատեգորիա Քաղաքական

Վարչապետ Նիկոլ Փաշինյանը հյուրընկալել է Լյուքսեմբուրգի Մեծ Դքսության Պատգամավորների պալատի նախագահ Կլոդ Վիզլերի գլխավորած պատվիրակությանը: ՀՀ վարչապետի աշխատակազմից, վարչապետը ողջունել է Կլոդ Վիզլերի այցը Հայաստան և վստահություն հայտնել, որ այն նոր ազդակ կհաղորդի Հայաստան-Լյուքսեմբուրգ հարաբերությունների հետագա զարգացմանն ու ամրապնդմանը: Նիկոլ Փաշինյանը նշել է, որ վերջին տարիներին երկու երկրների փոխգործակցությունը կրում է դինամիկ բնույթ և համատեղ օրակարգը հետևողական կերպով ընդլայնվում է: Վարչապետը շնորհակալություն է հայտնել անձամբ Կլոդ Վիզլերի և Լյուքսեմբուրգի Պատգամավորների պալատի կողմից պարբերաբար արտահայտվող հայանպաստ դիրքորոշումների համար և կարևորել միջխորհրդարանական սերտ համագործակցությունը, այդ թվում՝ միջազգային հարթակներում:Ըստ աղբյուրի՝ Կլոդ Վիզլերը շնորհակալություն է հայտնել ջերմ հյուրընկալության համար և բարձր գնահատել Հայաստան-Լյուքսեմբուրգ հարաբերությունների ներկա մակարդակը: Լյուքսեմբուրգի Պատգամավորների պալատի նախագահը հայտնել է իր երկրի աջակցությունը Հայաստան-Եվրոպական միություն փոխգործակցության և համատեղ ծրագրերի իրականացման գործում: Կլոդ Վիզլերը շեշտել է, որ միջխորհրդարանական համագործակցությունն ամուր հիմքերի վրա է, ինչը կնպաստի նաև տարբեր ուղղություններով կապերի ընդլայնմանն ու զարգացմանը:Նշվում է, որ զրուցակիցները քննարկել են Հայաստան-Ադրբեջան խաղաղության պայմանագրի շուրջ քննարկումներին, երկու երկրների միջև սահմանազատման գործընթացին վերաբերող հարցեր: Լյուքսեմբուրգի Պատգամավորների պալատի նախագահը կարևորել է ՀՀ կառավարության մոտեցումները և հասցեական լուծումները՝ կապված ԼՂ-ից բռնի տեղահանված ավելի քան 100 հազար բնակչության խնդիրների ուղղությամբ:ՀՀ վարչապետի աշխատակազմի տեղեկացմամբ՝ վարչապետ Փաշինյանը զրուցակցին է ներկայացրել բռնի տեղահանված անձանց խնդիրների լուծման ուղղությամբ ՀՀ կառավարության ինչպես կարճաժամկետ, այնպես էլ երկարաժամկետ ծրագրերը: Միաժամանակ, Նիկոլ Փաշինյանը տեղեկացրել է, որ ՀՀ կառավարությունը հաստատել է բռնի տեղահանվածների բնակարանային ապահովման ծրագիրը: Այս համատեքստում կարևորվել է նաև միջազգային հանրության աջակցությունը:Տարածաշրջանային կայունության և խաղաղության ապահովման հարցում երկուստեք ընդգծվել է Հայաստանում ԵՄ քաղաքացիական առաքելության գործունեության կարևորությունը:

Ամենաշատ կարդացվածներ

«Պետք է դուրս շպրտենք քաղաքական դաշտից»․ Փաշինյանն ԱԺ–ում բողոքեց Վարդան Ղուկասյանից (տեսանյութ)

01.10 17:48 | Կատեգորիա Քաղաքական

«Մոսադի լրտեսին Հայաստանում են հավաքագրել. մենք ԱԱԾ ունե՞նք». Շաքարյանցի սենսացիոն բացահայտումը (տեսանյութ)

01.10 22:30 | Կատեգորիա Քաղաքական

JWST-ն կազմել է եղանակային հաշվետվություն առանց արևի աշխարհի համար

01.10 23:00 | Կատեգորիա Ժամանց

Մի՛ բորբոքվեք, այո՛, ես բժիշկ չեմ․ լարված երկխոսություն՝ նախարար Ավանեսյանի և պատգամավորի միջև (տեսանյութ)

01.10 17:37 | Կատեգորիա Քաղաքական

Պլանավորված սպանություն է եղել. Վոլոդիա Գրիգորյանը փետրվարի կրակոցների հետ առնչություն չի ունեցել. Մեսրոպ Առաքելյան (տեսանյութ)

01.10 21:00 | Կատեգորիա Քաղաքական

«Զանգեզուրի միջանցքի» հիշատակումը նշանակում է, որ Բաքուն ու Անկարան այնքան էլ գոհ չեն. Գասպարյան (տեսանյութ)

01.10 18:35 | Կատեգորիա Քաղաքական

«Լո՞ւրջ, էդ դուք եք բողոքում տղաներ և աղջիկներ, իսկ դուք չե՞ք իմանում, որ էս երկրի թիվ մեկ մարդասպանն ու հանցագործը հենց ձեր տերն է»․ Պողոսյան

02.10 21:08 | Կատեգորիա Մտքեր

Սեռական բնույթի հայհոյանքներ են հնչեցրել, խմբով դաժան վերաբերմունք դրսևորել զինծառայողի նկատմամբ․ նա վերջ է տվել կյանքին

02.10 17:54 | Կատեգորիա Հասարակություն

Անձրև, մառախուղ․ եղանակը՝ հոկտեմբերի 2-6-ը

01.10 23:07 | Կատեգորիա Հասարակություն

ՈՒՂԻՂ