Եգիպտոսի նախագահ Աբդել Ֆաթթահ ալ-Սիսին Կահիրեում ընդունել է Ռուսաստանի Անվտանգության խորհրդի քարտուղար Սերգեյ Շոյգուին և ողջույններ է փոխանցել իր ռուս գործընկեր Վլադիմիր Պուտինին։ Կահիրեն բարձր է գնահատում Մոսկվայի հետ հարաբերությունները, ընդգծել է Եգիպտոսի առաջնորդը։
«Խնդրում եմ փոխանցել իմ ողջույնները Ռուսաստանի նախագահ Վլադիմիր Պուտինին։ Եգիպտոսը բարձր է գնահատում Ռուսաստանի հետ իր ամուր և զարգացող հարաբերությունները», - աս-Սիսիի խոսքերն է մեջբերել նրա գրասենյակը։
Հանդիպման ընթացքում կողմերը քննարկել են նաև երկրների միջև տնտեսական համագործակցությունը, այդ թվում՝ Էլ-Դաբաա ատոմակայանի կառուցումը և Սուեզի ջրանցքի ափին ռուսական արդյունաբերական գոտու կառուցումը։
