ԱՄՆ Հետաքննությունների դաշնային բյուրոն (ՀԴԲ) ձերբակալել է ԱՄՆ Միչիգան նահանգում Հելոուինի օրը ահաբեկչական հարձակում իրականացնելու պլանավորման մեջ կասկածվող երրորդ անձին, X սոցիալական ցանցում հայտարարել է ՀԴԲ փոխտնօրեն Դեն Բոնջինոն։
«Այսօր Դետրոյթի ՀԴԲ գրասենյակը և գործընկերները ձերբակալել են երրորդ կասկածյալին՝ կապված անցյալ շաբաթ Միչիգանում կանխված ենթադրյալ ահաբեկչական հարձակման հետ։ Մեր հետաքննությունը ցույց է տալիս, որ այս անձը նյութական աջակցություն է ցուցաբերել հարձակման նախապատրաստման գործում»,-գրել է Բոնջինոն։
Անցյալ շաբաթ ՀԴԲ տնօրեն Քեշ Պատելը հայտարարեց ԱՄՆ Միչիգան նահանգում մի քանի անձանց ձերբակալության մասին, որոնք, ենթադրաբար, Հելոուինի ժամանակ ահաբեկչական հարձակում էին պլանավորում։
Գլխավոր դատախազ Պամելա Բոնդին ավելի ուշ հայտարարեց, որ հարձակումը ծրագրվել է «Իսլամական պետություն» ահաբեկչական կազմակերպության կողմնակիցների կողմից։
