Ֆրանսիայի նախագահ Էմանուել Մակրոնը նոյեմբերի երկրորդ կեսին նախատեսում է մեկնել աֆրիկյան երկրներով շրջագայության։ Նա նախատեսում է այցելել Մավրիկիոս, Հարավային Աֆրիկա, Գաբոն և Անգոլա, ըստ Jeune Afrique ամսագրի։
Նոյեմբերի 20-21-ին Մակրոնը կլինի Մավրիկիոսի մայրաքաղաք Պորտ Լուիում, որտեղ կհանդիպի վարչապետ Նավին Ռամգուլամի հետ։ Նրանք կքննարկեն Հնդկական օվկիանոսում ծովահենության խնդիրը, ինչպես նաև Մադագասկարում պետական հեղաշրջման հետևանքները։
Դրանից հետո, նոյեմբերի 21-ի կեսօրին, Մակրոնը կմեկնի Հարավային Աֆրիկա՝ մասնակցելու Յոհաննեսբուրգում կայանալիք «Մեծ քսանյակի» (G20) գագաթնաժողովին։
Գագաթնաժողովի շրջանակներում նախատեսվում է, որ Մակրոնը կհանդիպի Հարավաֆրիկյան Հանրապետության նախագահ Սիրիլ Ռամաֆոսայի հետ, որի հետ Ֆրանսիայի առաջնորդը պարբերաբար հեռախոսազրույցներով քննարկում է Կոնգոյի Դեմոկրատական
Հանրապետության և Ռուանդայի միջև հակամարտությունը, ինչպես նաև Գազայի հատվածում տիրող իրավիճակը և Ուկրաինայում տիրող հակամարտությունը։
Նոյեմբերի 23-ին Մակրոնը կժամանի Գաբոնի մայրաքաղաք Լիբրևիլ՝ պատասխան այցով երկրի նախագահ Բրիս Օլիգուի Նգուեմային, ով նախկինում մի քանի անգամ այցելել է Ֆրանսիա։
