Հոր կողմից խեղդամահ արված 3-ամյա Տիգրանի մարմինը բերեցին իրենց տուն, հայտնում են լրատվամիջոցները։ Երեխային այսօր կհուղարկավորեն Ծափաթաղում։Հիշեցնենք` Գեղարքունիքի մարզի Ծափաթաղ գյուղի բնակիչ, 2022 թվականին ծնված Տիգրան Օվանեսովը կորել էր հոկտեմբերի 27-ին։
Երեխայի դին հայտնաբերվեց նոյեմբերի 2-ին Ծափաթաղ գյուղին հարակից Ջիլ գյուղի ցուցանակից մոտ 60 մետր հեռավորության վրա՝ դաշտամիջյան հատվածում։ՀՀ ՆԳ նախարար Արփինե Սարգսյանը հայտնեց, որ 3 տարեկան Տիգրանին, ըստ նախնական տվյալների, խեղդել է հայրը։Ավելի ուշ հայտնի դարձավ, որ Արմեն Օվանեսովի նկատմամբ հանրային քրեական հետապնդում է հարուցվել սպանության հոդվածով, նա ձերբակալվել է։
Նախաձեռնված քրեական վարույթի նախաքննության ընթացքում կատարվել է դիակի արտաքին զննություն, երեխայի մարմնի և գլխի շրջանում հայտնաբերվել են վնասվածքներ։
Երեկ հայտնի դարձավ, որ երեխայի հայրը 2 ամսով կալանավորվել է։
