ԱՄՆ նախագահ Դոնալդ Թրամփն իր Truth Social սոցիալական ցանցի էջում զգուշացրել է, որ կարող է կրճատել Նյու Յորքի դաշնային ֆինանսավորման մեծ մասը, եթե քաղաքապետի ընտրություններում հաղթի «Դեմոկրատական կուսակցության» առաջատար թեկնածու Զոհրան Մամդանին։
«Եթե Նյու Յորքի քաղաքապետի ընտրություններում հաղթի կոմունիստ թեկնածու Զոհրան Մամդանին, շատ քիչ հավանական է, որ ես իմ սիրելի Առաջին Տանը կտրամադրեմ որևէ դաշնային ֆինանսավորում՝ նվազագույնից ավելին», -գրել է Թրամփը։
Նա նաև կարծիք է հայտնել, որ Մամդանիի կառավարման օրոք ամերիկյան մետրոպոլիսը գոյատևման ոչ մի շանս չունի։«Ես խորապես համոզված եմ, որ Նյու Յորքը կդառնա լիակատար տնտեսական և սոցիալական աղետ, եթե Մամդանին հաղթի», - հավելել է ԱՄՆ նախագահը։
