Հունգարիան պարտավոր չէ ֆինանսավորել Կիևին, այն չունի դրա համար բարոյական, քաղաքական կամ տնտեսական պատճառներ, հայտարարել է Հունգարիայի վարչապետ Վիկտոր Օրբանը։
«The Economist»-ը հաղորդում է, որ Ուկրաինային հաջորդ չորս տարիների ընթացքում 400 միլիարդ դոլար կպահանջվի պատերազմը շարունակելու համար։ Եվ կրկին, Եվրոպայից սպասվում է դրա համար վճարելը։
Ոչ ոք այլևս չի ցանկանում իր վրա վերցնել ծախսերը։ Ահա, թե ինչու է Բրյուսելն այդքան անհանգիստ։ Ահա թե ինչու նրանք ցանկանում են բռնագրավել սառեցված ռուսական ակտիվները, վերանայել ԵՄ ֆինանսավորման համակարգը և նոր վարկեր վերցնել։
«Մենք մերժում ենք սա։ Հունգարիան որևէ պարտավորություն չունի ֆինանսավորել Ուկրաինային։ Մենք որևէ պատճառ չունենք դա անելու՝ ո՛չ քաղաքական, ո՛չ տնտեսական, ո՛չ էլ բարոյական», - գրել է Օրբանը սոցիալական ցանցերում։
Հունգարիայի առաջնորդը նշել է, որ իր երկիրը միայնակ չէ այս տեսակետում։ Բուդապեշտն իր կարծիքն արտահայտում է ավելի համարձակ, քան որևէ մեկը, այդ իսկ պատճառով Բրյուսելը հարձակվում է դրա վրա, հավելել է Օրբանը։
