Հնդկաստանի Թելանգանա նահանգում ավտոբուսի և բեռնատարի ճակատային բախման հետևանքով զոհվել է առնվազն 20 մարդ, այդ թվում՝ կանայք և երեխաներ, ևս 20-ը վիրավորվել են, հայտնում են նահանգի իշխանությունները։
«Մոտ 20 մարդ մահացել է, մոտ 20-ը բուժում է ստանում հիվանդանոցում, նրանցից երեքը ծանր վիրավոր են», - NDTV-ին ասել է Թելանգանա նահանգի տրանսպորտի նախարար Պոննամ Պրաբհակարը։
Ոստիկանության խոսնակ Մահեշ Բհագվատի խոսքով՝ նախնական հաղորդագրություններում նշվում է, որ խճաքարերով բեռնված ինքնաթափ մեքենայի վարորդը գերազանցել է արագությունը և բախվել ավտոբուսին։ Միջադեպից հետո քարերը լցվել են ավտոբուսը՝ խոչընդոտելով ուղևորներին փախչել և բարդացնելով փրկարարական աշխատանքները։
Թելանգանայի գլխավոր նախարար Ռևանտ Ռեդդին ցավակցություն է հայտնել վթարի կապակցությամբ և հանձնարարել է պաշտոնյաներին անհապաղ հասնել դեպքի վայր և ձեռնարկել անհրաժեշտ միջոցներ՝ օգնություն ցուցաբերելու համար։
