Բելառուս խաղաղապահները պատրաստ կլինեն տեղակայվել Ուկրաինա անհրաժեշտության դեպքում և եթե համապատասխան որոշում կայացնի Բելառուսի նախագահ Ալեքսանդր Լուկաշենկոն։
Այս մասին STV հեռուստաալիքին տված հարցազրույցում ասել է Բելառուսի զինված ուժերի հատուկ գործողությունների ուժերի հրամանատարության միջազգային ռազմական համագործակցության և խաղաղապահ գործունեության բաժնի պետ Ալեքսեյ Սկոբեյը։
«Այստեղ ամեն ինչ կախված է նրանից, թե ինչպես են կողմերը որոշումներ կայացնում միմյանց միջև։ Մենք միշտ պատրաստ ենք օգնություն ցուցաբերել՝ կրկին, երկու կողմերի խնդրանքով։ Ամեն դեպքում, մեկ կողմը կամ մյուսը պետք է դիմի՝ եթե ցանկանում է, որ այն լինի ՄԱԿ-ի հովանու ներքո, այս կազմակերպությանը և հայտարարի, որ անհրաժեշտ է տարածքում տեղակայել խաղաղապահ զորքեր», - ասել է Սկոբեյը՝ պատասխանելով այն հարցին, թե արդյոք բելառուս խաղաղապահները կկարողանան օգնություն ցուցաբերել Ուկրաինայում։
