Ալբանիայի Դյուրես քաղաքում անցկացվող ծանրամարտի Եվրոպայի երիտասարդական առաջնությունում Հայաստանի ներկայացուցիչ, աղջիկների 77 կգ քաշային Աննա Ամրոյանը երկամարտի 228 կգ արդյունով նվաճեց բրոնզե մեդալ, հրում վարժությունում արժանացավ փոքր արծաթե մեդալի (98+130):
Մեծահասակների Եվրոպայի փոխչեմպիոնը պոկում վարժությունում հաջողությամբ կատարեց միայն առաջին մոտեցումը, որով բարձրացրեց 98 կգ: Հաջորդ փորձերով ձախողեց 101 եւ 102 կգ-երը: Այս վարժությունում Ամրոյանը 4-րդն է:
Հրում վարժությունում Ամրոյանը բարձրացրեց 126 կգ, ապա՝ 130 կգ: Երրորդ մոտեցման համար պատվիրված 133 կգ-ը ձախողեց:
