Երեք դագաղները, որոնք ուրբաթ օրը պաղեստինյան արմատական ՀԱՄԱՍ շարժումը հանձնել է, չեն պարունակում իսրայելցի պատանդների մնացորդները, հաղորդում է Kan պետական հեռարձակողը՝ հղում անելով աղբյուրին։
Kan-ի հաղորդմամբ՝ Կարմիր խաչը հոկտեմբերի 31-ի երեկոյան հայտարարել է, որ երեք մարմին տեղափոխվել է Իսրայել։ Պետական հեռարձակողի տվյալներով՝ Գազայի հատվածում արմատականները շարունակում են պատանդ պահել 11 մարդու մնացորդներին։
Հոկտեմբերի 9-ին Իսրայելը և ՀԱՄԱՍ-ը, Եգիպտոսի, Կատարի, ԱՄՆ-ի և Թուրքիայի միջնորդությամբ, համաձայնեցին իրականացնել ԱՄՆ նախագահ Դոնալդ Թրամփի կողմից ներկայացված խաղաղության ծրագրի առաջին փուլը։ Թրամփի ծրագրի համաձայն՝ Գազայում հրադադարը ուժի մեջ է մտել հոկտեմբերի 10-ին։
