Պենտագոնի քարտուղար Փիթ Հեգսեթը հայտարարել է, որ հաջորդ շաբաթ առաջին անգամ կայցելի Հյուսիսային Կորեայի և Կորեայի Հանրապետության սահմանին գտնվող ապառազմականացված գոտի։
Հարավարևելյան Ասիայի երկրների ասոցիացիայի (ԱՍԵԱՆ) ռազմական գերատեսչությունների ղեկավարների Կուալա Լումպուրում կայացած հանդիպումից հետո տեղի ունեցած մամուլի ասուլիսում, մեկնաբանելով հաջորդ շաբաթ ապառազմականացված գոտի նախատեսված այցը, նախարարը ընդգծել է․
«Նախագահ Դոնալդ Թրամփը բազմիցս հայտարարել է, որ բաց է Հյուսիսային Կորեայի առաջնորդ Կիմ Չեն Ընի հետ պետությունների ղեկավարների մակարդակով բանակցություններ վարելու համար։ Ակնհայտ է, որ մեր դաշինքը Հարավային Կորեայի հետ երկարատև է, և ես անհամբեր սպասում եմ իմ առաջին այցին ապառազմականացված գոտի»։
Հյուսիսային Կորեայի շուրջ ստեղծված իրավիճակի մասին հարցին Հեգսեթը հավելել է.
«Մենք շատ ընդհանուր շահեր ունենք այս սպառնալիքի, ինչպես նաև տարածաշրջանում առկա այլ սպառնալիքների գնահատման հարցում»։
Հետևաբար, ես նախապես չեմ բացահայտի, թե ինչ կլինի այս ուղերձը Փհենյանին. դա մեծապես կախված կլինի նախագահ Թրամփի որոշումից։ Բայց մենք, անշուշտ, հասկանում ենք այս սպառնալիքը։ Մենք չենք աչք փակում դրա վրա»։
