ԱՄՆ-ում Ռուսաստանի դեսպան Ալեքսանդր Դարչիևը հայտարարել է, որ ԱՄՆ առաջին տիկին Մելանյա Թրամփի՝ Ռուսաստանի նախագահ Վլադիմիր Պուտինին ուղղված կոչը հանգեցրել է մի քանի ընտանիքների արագ վերամիավորմանը։
«Մենք հատկապես նշում ենք, որ ԱՄՆ առաջին տիկին Մելանյա Թրամփը, որը դիմել էր Ռուսաստանի նախագահին՝ հակամարտության գոտում անչափահասների ճակատագրին լիարժեք ուշադրություն դարձնելու համար, երախտագիտություն է հայտնել ռուսական կողմի՝ օբյեկտիվ և մանրամասն տեղեկատվություն տրամադրելու պատրաստակամության համար։
Այս համագործակցության շնորհիվ յոթ երեխա արագ վերամիավորվեց իրենց ընտանիքների հետ Ուկրաինայում, իսկ մեկ աղջիկ վերադարձավ Ռուսաստան», - ասել է Դարչիևը լայնորեն տարածված մեկնաբանության մեջ։
