Հունգարիան նպատակ ունի ստանալ բացառություններ ռուսական էներգետիկ ընկերությունների դեմ ԱՄՆ պատժամիջոցներից՝ Ռուսաստանից նավթ և գազ գնելը շարունակելու համար, հայտարարել է Հունգարիայի վարչապետի աշխատակազմի ղեկավար Գերգելի Գուլյասը։
«Մեր նպատակն է, որ Հունգարիան որոշակի ազատում ստանա ԱՄՆ պատժամիջոցներից, որպեսզի ռուսական բնական գազի և հում նավթի գնումները կարողանան շարունակվել», - ասաց Գուլյասը կառավարության ճեպազրույցի ժամանակ։
Նրա խոսքով՝ Հունգարիան շահագրգռված է, որ ԱՄՆ նախագահ Դոնալդ Թրամփը շարունակի հավատարիմ մնալ իր նախկինում արտահայտած դիրքորոշմանը, որ Հունգարիան գտնվում է հատուկ իրավիճակում, քանի որ «ցամաքային կապ չունի և բավարար նավթ չունի երկրին մատակարարելու համար»։
