ԱՄՆ նախագահ Դոնալդ Թրամփը վստահություն է հայտնել, որ Չինաստանի նախագահ Սի Ծինփինի հետ հոկտեմբերի 30-ին, հինգշաբթի, Հարավային Կորեայի Բուսան քաղաքում կայանալիք իր հանդիպումը դրական արդյունքների կհանգեցնի երկու երկրների համար։
«Վաղը ես կհանդիպեմ Չինաստանի նախագահ Սի Ծինփինի հետ, և անհամբեր սպասում եմ այս հանդիպմանը։ Մենք շատ ենք շփվել վերջին մեկ ամսվա ընթացքում, և կարծում եմ, որ արդյունքում մենք կունենանք մի բան, որը շատ գոհացուցիչ կլինի և՛ Չինաստանի, և՛ մեզ համար։ Կարծում եմ՝ դա շատ լավ հանդիպում կլինի։
«Ես անհամբեր սպասում եմ վաղը առավոտյան ձեզ հետ հանդիպմանը, որից հետո կվերադառնամ Միացյալ Նահանգներ», - ասել է Թրամփը Հարավային Կորեայի նախագահ Լի Չժե Մյունգի հետ Կյոնջուում կայացած հանդիսավոր ընթրիքի ժամանակ, որտեղ երկու պետությունների ղեկավարները նախկինում բանակցություններ էին վարել։
