Չինաստանի նախագահ Սի Ծինփինը հոկտեմբերի 30-ին Բուսանում կհանդիպի ԱՄՆ նախագահ Դոնալդ Թրամփի հետ, հայտարարել է Չինաստանի արտաքին գործերի նախարարությունը։
«Չինաստանի և Միացյալ Նահանգների միջև կնքված համաձայնագրի համաձայն՝ Չինաստանի նախագահ Սի Ծինփինի և ԱՄՆ նախագահ Դոնալդ Թրամփի միջև հանդիպումը տեղի կունենա հոկտեմբերի 30-ին, տեղական ժամանակով, Կորեայի
Հանրապետությունում՝ Բուսան քաղաքում։ Այս հանդիպման ընթացքում երկու կողմերը կփոխանակվեն չին-ամերիկյան հարաբերությունների հարցերի և փոխադարձ հետաքրքրություն ներկայացնող այլ թեմաների շուրջ»։ «,- ասվում է Չինաստանի արտաքին գործերի նախարարության կայքում տեղադրված հայտարարության մեջ։
Չինաստանի արտաքին գործերի նախարարության խոսնակ Գո Ցզյակունը հայտարարել է, որ «այս հանդիպման ժամանակ երկու պետությունների ղեկավարները խորը մտքերի փոխանակում կանցկացնեն Չինաստան-ԱՄՆ հարաբերություններին վերաբերող ռազմավարական և երկարաժամկետ հարցերի, ինչպես նաև փոխադարձ հետաքրքրություն ներկայացնող հիմնական հարցերի շուրջ»։
Ինչպես պարզաբանեց չինացի դիվանագետը, Պեկինը պատրաստ է համագործակցել Վաշինգտոնի հետ՝ այս հանդիպումից դրական արդյունքներ ապահովելու և «չինա-ամերիկյան հարաբերությունների կայուն զարգացմանը նոր խթան հաղորդելու» համար։
