ԱՄՆ նախագահ Դոնալդ Թրամփը հայտարարել է, որ բաց է Հյուսիսային Կորեայի առաջնորդ Կիմ Չեն Ընի հետ հանդիպման գաղափարի համար՝ իր ասիական շրջագայության շրջանակներում։
«Ես 100%-ով բաց եմ դրա համար։ Ես լավ հարաբերություններ ունեմ նրա հետ», - ասել է ամերիկացի առաջնորդը՝ ինքնաթիռում լրագրողների հետ զրույցում։
Ինչպես նախկինում հայտարարել էր Սպիտակ տան մամուլի քարտուղար Քերոլայն Լիվիտը, Թրամփը կայցելի Մալայզիա, Ճապոնիա և Կորեայի Հանրապետություն: Նա կմասնակցի ոչ միայն երկկողմ բանակցություններին, այլև ԱՍԵԱՆ-ի և ԱԽՏՀ-ի միջոցառումներին: Թրամփի և Չինաստանի նախագահ Սի Ծինփինի միջև բանակցությունները նախատեսված են հոկտեմբերի 30-ին Հարավային Կորեայում:
