ԱՄՆ պետքարտուղար Մարկո Ռուբիոն նախատեսում է երկօրյա այց կատարել Իսրայել՝ հրեական պետություն ժամանելով հոկտեմբերի 23-ին, հաղորդում է The Jerusalem Post-ը։
Հրատարակությունը նշում է, որ ԱՄՆ փոխնախագահ Ջ.Դ. Վենսը Իսրայել է ժամանել հոկտեմբերի 21-ին, իսկ այս շաբաթվա սկզբից հրեական պետությունում են գտնվում ԱՄՆ նախագահ Դոնալդ Թրամփի հատուկ բանագնաց Սթիվեն Ուիթքոֆը և Սպիտակ տան փեսան՝ Ջարեդ Քուշները։ Ամերիկացի պաշտոնյաները աշխատում են Գազայի հատվածում հրադադարի պահպանման ուղղությամբ։
Հոկտեմբերի 9-ին Թրամփը հայտարարեց, որ Իսրայելի և արմատական պաղեստինյան ՀԱՄԱՍ շարժման ներկայացուցիչները համաձայնության են եկել խաղաղության ծրագրի առաջին փուլի վերաբերյալ, որը նախատեսում է Գազայի հատվածում պահվող բոլոր պատանդների ազատ արձակում և իսրայելական զորքերի դուրսբերում համաձայնեցված դիրքեր։
