Հյուսիսային Կորեան բալիստիկ հրթիռ է արձակել Ճապոնական ծովի ուղղությամբ, հաղորդում է հարավկորեական «Ռենհապ» լրատվական գործակալությունը՝ հղում անելով Կորեայի Հանրապետության զինված ուժերի շտաբերի պետերի միացյալ կոմիտեին (JCS):
«Հյուսիսային Կորեան առնվազն մեկ անհայտ բալիստիկ հրթիռ է արձակել Ճապոնական ծովի (Արևելյան ծով) ուղղությամբ», - ասվում է հայտարարության մեջ։
Ինչպես նշում է գործակալությունը, այս արձակումն առաջինն էր Հարավային Կորեայի նախագահ Լի Չժե Մյունգի կառավարության հունիսին պաշտոնը ստանձնելուց ի վեր։
Ճապոնիայի վարչապետ Սանաե Տակաիչին ավելի ուշ հայտարարեց, որ հրթիռի երկրի տարածքային ջրերում կամ բացառիկ տնտեսական գոտում ընկնելու մասին որևէ տեղեկություն չկա։
