ԱՄՆ նախագահ Դոնալդ Թրամփը հայտարարել է, որ Վաշինգտոնը կուսումնասիրի և պատշաճ կերպով կանդրադառնա Իսրայելի և պաղեստինյան արմատական ՀԱՄԱՍ շարժման միջև հրադադարի խախտումներին։
«Մենք կուսումնասիրենք, թե ինչ է կատարվում։ Մենք ուզում ենք համոզվել, որ Համասի հետ ամեն ինչ չափազանց խաղաղ է։ Ինչպես գիտեք, նրանք բավականին անզիջում են եղել, նույնիսկ կրակել են։
«Հնարավոր է՝ Համասի ղեկավարությունը ներգրավված չէ այս գործում, և սրանք շարժման ներսում այլախոհ ձայներ են, բայց, այսպես թե այնպես, մենք դրան պատշաճ կերպով կանդրադառնանք», - ասել է ամերիկացի առաջնորդը իր ինքնաթիռում՝ Ֆլորիդայից
Վաշինգտոն վերադառնալիս։ Թրամփը հավելել է, որ այս հարցի վերաբերյալ հետագա քայլերը «քննարկվում են»։
Ավելի վաղ պետական «Կան» հեռարձակող հեռուստաընկերությունը հայտնել էր, որ ԱՄՆ փոխնախագահ Ջ.Դ. Վենսը և ԱՄՆ նախագահի հատուկ ներկայացուցիչ Սթիվեն Ուիթքոֆը այս շաբաթ կայցելեն Իսրայել։
