ԱՄՆ փոխնախագահ Ջ.Դ. Վենսը կարծում է, որ Պարսից ծոցի երկրները պետք է Գազայի հատվածում ստեղծեն «անվտանգության ենթակառուցվածք»՝ պաղեստինյան արմատական շարժման՝ ՀԱՄԱՍ-ի զինաթափման վերահսկողությունն ապահովելու համար: Նա նշել է, որ Վաշինգտոնը ՀԱՄԱՍ-ի զինաթափումը համարում է Գազայի խաղաղության համաձայնագրի կարևոր մասը:
«Մեր Պարսից ծոցի դաշնակիցները դեռևս չունեն անվտանգության ենթակառուցվածքներ՝ ՀԱՄԱՍ-ի զինաթափումն ապահովելու համար», - ըստ «Ֆրանս Պրես» գործակալության՝ ասել է Վենսը՝ կոչ անելով այդ երկրներին արագացնել համապատասխան միջոցներ ձեռնարկելու իրենց ջանքերը։
Ավելի վաղ պետական հեռարձակող Kan-ը հայտնել էր, որ Վենսը և ԱՄՆ նախագահի հատուկ ներկայացուցիչ Սթիվեն Ուիթքոֆը այս շաբաթ կայցելեն Իսրայել։
