Վրաստանի վարչապետ Իրակլի Կոբախիձեն չեղարկել է ԵԱՀԿ գործող նախագահ, Ֆինլանդիայի արտաքին գործերի նախարար Էլինա Վալտոնենի հետ հանդիպումը: Այս մասին հայտարարվել է Վրաստանի կառավարության կողմից տարածված հայտարարության մեջ:
«Հանդիպումը չեղարկելու որոշումը կայացվել է Էլինա Վալտոնենի` անօրինական հանրահավաքին մասնակցելու և կեղծ հայտարարություններ տարածելու պատճառով», – ասվում է հայտարարության մեջ։
Էլինա Վալտոնենը Վրաստան է ժամանել հոկտեմբերի 14-ին, որտեղ նախ հանդիպել է արտգործնախարար Մակա Բոճորիշվիլիի հետ, ապա մասնակցել Թբիլիսիում կայացած հանրահավաքին, որտեղ զրուցել է ցուցարարների հետ։
