Բուդապեշտի ՄՏԿ-ի դարպասապահ Պատրիկ Դեմյենը հրավիրվել է Հունգարիայի ազգային հավաքական։ Նա հայտացուցակում փոխարինել է «Ֆերենցվարոշի» դարպասապահ Դենեշ Դիբուսին, ով վնասվածք է ստացել։
Որակազրկման պատճառով Մարկո Ռոսիի գլխավորած թիմից Հայաստանի հավաքականի դեմ աշխարհի 2026թ. առաջնության եվրոպական գոտու ընտրական մրցաշարի երրորդ տուրի հանդիպումը բաց կթողնեն նաև հարձակվողներ Բառնաբաշ Վարգան ու Ռոլանդ Շալայը։
Հունգարիա – Հայաստան հանդիպումը կկայանա հոկտեմբերի 11-ին։
Հունգարիայի հավաքականը F խմբի չորրորդ տուրում էլ հոկտեմբերի 14-ին մրցակցի դաշտում կհանդիպի Պորտուգալիայի թիմի հետ։
