Վրաստանի մայրաքաղաքի տարբեր վայրերում իրավապահ մարմինների աշխատակիցներ են մոբիլիզացվել՝ ընդդիմության կողմից նախատեսված հանրահավաքի հետ կապված կարգուկանոնը պահպանելու համար, հաղորդում է Ներքին գործերի նախարարությունը։
Ընդդիմությունը նախկինում հայտարարել էր, որ ընտրությունների օրը «խաղաղ հեղափոխություն» կանցկացնի։ Հանրահավաքը կսկսվի ժամը 16:00-ին (Մոսկվայի ժամանակով 15:00-ին) Թբիլիսիի կենտրոնում։
«Հանրային անվտանգությունը և իրավակարգի պաշտպանությունը ապահովելու նպատակով, հոկտեմբերի 4-ին Թբիլիսիում նախատեսված հանրահավաքի կապակցությամբ մայրաքաղաքի տարբեր վայրերում մոբիլիզացվել են Ներքին գործերի նախարարության համապատասխան ոստիկանության ստորաբաժանումների աշխատակիցներ։
Կոչ ենք անում հանրահավաքի կազմակերպիչներին և մասնակիցներին հավաքն ու ցույցն անցկացնել Վրաստանի օրենսդրությամբ սահմանված շրջանակներում, ենթարկվել ոստիկանության աշխատակիցների օրինական պահանջներին և չխոչընդոտել պաշտոնական միջոցառումների անցկացմանը», - ասվում է Ներքին գործերի նախարարության հայտարարության մեջ։
