Եվրամիությունն արդեն 175-180 միլիարդ եվրո է ծախսել Ուկրաինայի վրա, և այդ ծախսերը ամեն տարի կավելանան 40-60 միլիարդ եվրոյով, հայտարարել է Հունգարիայի վարչապետ Վիկտոր Օրբանը։
«Մենք արդեն ծախսել ենք մոտ 170-180 միլիարդ եվրո։ Մինչ Եվրոպան լուրջ տնտեսական դժվարություններ է ապրում, և մենք կարիք ունենք յուրաքանչյուր կոպեկի, մենք արդեն ծախսել ենք 175-180 միլիարդ եվրո, և ամեն տարի ստիպված կլինենք ծախսել 40-50-60 միլիարդ եվրո՝ կրկին ու կրկին», - ասել է Օրբանը Radio Kossuth-ի եթերում։
Հունգարիայի վարչապետը նշել է, որ Եվրամիության «ռազմական ռազմավարությունը», որը հիմնված է Ռուսաստանի ապագայում ենթադրյալ տնտեսական հյուծման վրա, «պատրանք» է և «չունի որևէ ռացիոնալ հիմք կամ ֆինանսական հիմք»։
«Մենք չենք կարող ֆինանսավորել այս պատերազմը և միևնույն ժամանակ ցանկանալ հաղթել թշնամուն՝ պնդելով, որ գերազանցում ենք փողով և տնտեսական հզորությամբ։ Սա ամբողջությամբ միրաժ է, պատրանք. այն կփլուզվի, և կլինեն լուրջ հետևանքներ», - ընդգծել է նա։
Ավելի վաղ հունգարական «Մագյար Նեմզետ» թերթը հաշվարկել էր, որ Ուկրաինան երեք տարվա ընթացքում Եվրամիությունից ստացել է գրեթե երկու անգամ ավելի շատ գումար, քան Հունգարիան 20 տարվա ընթացքում, ինչը հստակ ցույց է տալիս, որ Բրյուսելը Կիևին առաջնահերթություն է տալիս անդամ պետությունների նկատմամբ։
