Դաբլինում երեք երեխաների մայր՝ Էն-Մարի Օ'Գորմանը, մահացել է էլեկտրահարումից, երբ լիցքավորման մեջ գտնվող iPhone-ը ձեռքերում պահած՝ լոգանք էր ընդունում, հայտնում է Metro-ն։
47-ամյա կինը անգիտակից վիճակում հայտնաբերվել է իր Սանթրիի տան լոգարանում իր ամուսնու՝ Ջոնի կողմից։ Ըստ պաթոլոգ Հայդի Օքերսի՝ տուժածը այրվածքներ է ստացել կրծքավանդակում և ձախ ձեռքում։ Նույն օրը նա մահացած է ճանաչվել Բոմոնտի հիվանդանոցում։
Դուբլինի դատաբժշկական դատարանում կայացած լսումների ժամանակ ամուսինը վկայել է, որ ինքն էլ էլեկտրական հարված է ստացել, երբ փորձել է կնոջը ջրից դուրս հանել։ Նա նշել է, որ ժամանակակից սմարթֆոնների գովազդը մոլորեցնում է օգտատերերին՝ նրանց տալով «անվտանգության» և ջրակայունության պատրանք։
«Սա տպավորություն է ստեղծում, որ հեռախոսը կարելի է անվտանգ պահել ջրի մոտ։ Սակայն արտադրողներից ոչ մեկը չի զգուշացնում, որ նման պայմաններում լիցքավորումը մահացու է», - հավելել է տղամարդը։
Ջոն ընդգծել է, որ իր iPhone-ը լիցքավորման ժամանակ ջրի հետ շփումից էլեկտրական հարվածի վտանգի մասին որևէ նախազգուշացում չունի։
Թարգմանությունը՝ Euromedia24.com-ի
