Համապատասխան գործակալությունները պարզաբանել են Ֆիլիպիններում տեղի ունեցած երկրաշարժի զոհերի թիվը. վերջին տվյալներով՝ զոհվել է 68 մարդ, այլ ոչ թե 69, իսկ վիրավորվել է 559 մարդ, հաղորդում է GMA News-ը։
Հինգշաբթի օրը տեղական լրատվամիջոցները հայտնել են 69 մահվան և 294 վիրավորի մասին։
«68 զոհվածի մասին վերջին հաղորդագրությունը ստացվել է Մահացածների և անհետ կորածների գրասենյակից որը վարում է զոհերի խիստ հաշվառում: Զոհերի թիվը կարող է աճել կամ նվազել, քանի որ գործակալությունը ստուգում է տվյալները», - հեռուստաալիքը մեջբերում է Ֆիլիպինների քաղաքացիական պաշտպանության վարչության խոսնակ Դիեգո Մարիանոյի խոսքերը։
