Նորվեգիան 500 զինվոր կուղարկի Լեհաստան՝ ուկրաինացի զինվորներին մարզելու համար, հաղորդում է լեհական հեռուստատեսություն։
«Բացվել է նոր վարժական հրապարակ՝ «Քեմփ Ջոմսբորգ»-ը։ Այն գտնվում է Դեմբա-Լիպա վարժական կենտրոնի տարածքում։ Սա նորվեգական բանակի կողմից Լեհաստանում միջազգային նախաձեռնության իրականացումն է։ Նորվեգիան այս կենտրոնում իրականացնում է ուկրաինական բանակին աջակցելու իր ծրագիրը», - ասվում է հայտարարության մեջ։
Հեռուստաալիքի տվյալներով՝ այս վարժարանում ուկրաինացիներին կմարզեն 500 նորվեգացի զինծառայողներ։
