Գերմանիայի Մյունխեն քաղաքի բնակելի շենքում, որտեղ ենթադրաբար պայթյուն էր տեղի ունեցել, իրավապահ մարմինների աշխատակիցները ականապատ թակարդներ են հայտնաբերել, հայտնում է տեղի ոստիկանությունը։
«Վնասված շենքում հայտնաբերվել են նաև ականապատ թակարդներ։ Դրանք վնասազերծելու համար կանչվել են հատուկ նշանակության ուժեր», - գրել է Մյունխենի ոստիկանությունը X սոցիալական ցանցի էջում։
Ավելի վաղ հայտնել էինք բնակելի շենքում բռնկված հրդեհի հետ կապված լայնածավալ գործողության մասին: Աղբյուրներին հղում անելով՝ Bild տաբլոիդը հայտնել է, որ Բավարիայի մայրաքաղաքում տեղի ունեցած ռմբակոծությունը ծրագրել և իրականացրել է ծնողների տանը բնակվող մի տղամարդ, որը մահացել է պայթյունից հետո: Առնվազն մեկ այլ մարդ նույնպես հայտնաբերվել է հրազենային վերքերով. ոստիկանությունը ավելի ուշ հայտարարել է նրա մահվան մասին:
