Reuters-ը, հղում անելով գերմանական Bild թերթին, հաղորդում է, որ Մյունխենում պայթյուններ են որոտացել, դեպքի վայր են ժամանել մեծ թվով ոստիկաններ և հրշեջներ։
«Մեծ թվով ոստիկաններ և հրշեջներ գտնվում են Լերխենաուեր փողոցում, տեղի են ունեցել պայթյուններ», - ասվում է գործակալության հայտարարության մեջ։
Թերթի տվյալներով՝ պայթյունը պլանավորել և իրականացրել է ծնողների տանը գտնվող մի տղամարդ, որը մահացել է պայթյունից հետո։ Հայտնաբերվել է նաև հրազենային վերքերով տղամարդ։
Ականատեսները լսել են կրակոցներ և նկատել են այրված միկրոավտոբուս դեպքի վայրում, որտեղ աշխատում են ռումբերի վնասազերծման մասնագետները: Հրդեհի մոտ հայտնաբերվել են նաև մի քանի այրվող մեքենաներ:
