Ֆրանսիայում Հարավային Աֆրիկայի դեսպան Նկոսինաթի Էմանուել Մթեթվան անհետ կորել է Փարիզում, հաղորդում է Actu17-ը՝ հղում անելով ոստիկանության աղբյուրին։
58-ամյա դիվանագետի հետ կապը կորել է սեպտեմբերի 29-ի կեսօրին: Դեսպանատան անվտանգության ծառայությունը իրավապահ մարմիններին տեղեկացրել է միայն այդ երեկոյան: Ոստիկանությունը հետաքննություն է սկսել և հարցաքննել դեսպանի ընտանիքին:
Հարավաֆրիկյան Հանրապետության դեսպանատունը գտնվում է Քեյ դ'Օրսեյում՝ Ֆրանսիայի արտաքին գործերի նախարարության գլխավոր գրասենյակի մոտ, Փարիզի 7-րդ շրջանում: Պորտալի տվյալներով՝ Մթեթվայի հեռախոսը վերջին անգամ հայտնաբերվել է մայրաքաղաքի արևմուտքում գտնվող 16-րդ շրջանում: Հետաքննիչները ուսումնասիրում են դիվանագետի անհետացման հետ կապված տարբեր տեսություններ:
Մթեթվան նշանակվել է Հարավային Աֆրիկայի դեսպան Ֆրանսիայում 2024 թվականի փետրվարին։ 2009-ից 2014 թվականներին նա զբաղեցրել է ոստիկանության գործերի նախարարի պաշտոնը, ապա ղեկավարել է սպորտի, արվեստի և մշակույթի նախարարությունը։
