Ֆրանսիայի նախագահ Էմանուել Մակրոնը աջակցել է ԱՄՆ նախագահ Դոնալդ Թրամփի՝ Գազայի հատվածում հակամարտության խաղաղ կարգավորման ծրագրին։Երկուշաբթի օրը ավելի վաղ Թրամփը հրապարակեց Գազայի հարցում խաղաղ կարգավորման 20 կետից բաղկացած ծրագիր։
Առաջարկը, ի թիվս այլ բաների, նախատեսում է անհապաղ հրադադար՝ պատանդների 72 ժամվա ընթացքում ազատ արձակման պայմանով։
Ծրագիրը նաև նախատեսում է, որ ՀԱՄԱՍ-ը և «այլ խմբավորումները» պետք է համաձայնվեն չմասնակցել Գազայի կառավարմանը՝ ո՛չ ուղղակիորեն, ո՛չ էլ անուղղակիորեն: Գոտու վերահսկողությունը պետք է փոխանցվի տեխնոկրատական մարմիններին, որոնք վերահսկվում են անձամբ Թրամփի գլխավորած միջազգային մարմնի կողմից:«Ես ողջունում եմ նախագահ Թրամփի հանձնառությունը՝ դադարեցնելու Գազայի պատերազմը և ազատ արձակելու բոլոր պատանդներին», – գրել է Մակրոնը X սոցիալական ցանցի իր էջում։
