Վերջին մի քանի ժամերի ընթացքում իսրայելցի բանակցողները փոփոխություններ են մտցրել ԱՄՆ նախագահ Դոնալդ Թրամփի՝ Գազայի հակամարտության կարգավորման ծրագրում՝ խաթարելով դրա իրականացումը, հաղորդում է «Ալ Արաբի Ալ Ջադիդ» թերթը՝ հղում անելով իր աղբյուրներին։
Նրանց տեղեկությունների համաձայն՝ «ամերիկյան և իսրայելական կողմերի միջև բանակցությունների ընթացքում ծրագրի իրականացման մեխանիզմների վերաբերյալ ձևակերպումները դարձել են անորոշ», «դրանցում որևէ պարզություն չկա, բացառությամբ իսրայելցի պատանդների ազատ արձակման և Գազայի հատված մարդասիրական օգնության մատակարարման»։
Աղբյուրները նշել են, որ «վերջին մի քանի ժամվա ընթացքում տեղի ունեցածը նման է ծրագրի խափանմանը», քանի որ իսրայելական փոփոխությունները դժվարացնում են «մեկնաբանելն ու համաձայնեցնելը, առավել ևս՝ իրականացնելը Թրամփի կողմից առաջարկված սկզբնական տարբերակի 21 կետերը»։
