ԱՄՆ նախագահ Դոնալդ Թրամփը իր թուրք գործընկեր Ռեջեփ Թայիփ Էրդողանի հետ հինգշաբթի օրը կայացած բանակցությունները համարել է արդյունավետ։ Այս մասին Վաշինգտոնի վարչակազմի ղեկավարը լրագրողներին ասել է Սպիտակ տան մամուլի սրահում։
«Մենք շատ լավ բանակցություններ ունեցանք։ Ինչպես գիտեք, ես այստեղ հյուրընկալեցի Թուրքիայի նախագահ Էրդողանին։ Կարծում եմ, որ այս հանդիպումը շատ արդյունավետ էր մեր և նրա ցանկությունների առումներով։
Թուրքիայում ԱՄՆ դեսպան և Սիրիայի հարցերով հատուկ ներկայացուցիչ Թոմ Բարաքը նախկինում հայտարարել էր, որ երկու կողմերը համաձայնության են եկել Boeing ինքնաթիռներ մատակարարելու վերաբերյալ: Ինչպես հաղորդում է Bloomberg-ը, Անկարան նախատեսում է ձեռք բերել հարյուրավոր ուղևորատար ինքնաթիռներ:
