Եվրամիության տնտեսությունը կդադարի գործել, եթե նրա երկրները չընդունեն միգրանտներին, Bloomberg TV-ին տված հարցազրույցում հայտարարել է Իսպանիայի վարչապետ Պեդրո Սանչեսը։
«Եթե մենք մերժենք միգրանտների տնտեսության մեջ ունեցած ներդրումը, ԵՄ-ն պարզապես կճահճանա առաջիկա տարիներին։ Մենք աճի տեղ չենք ունենա», - աել է նա՝ պատասխանելով Իսպանիայում աջակողմյան կուսակցությունների ժողովրդականության մասին հարցին, որոնք պահանջում են հակամիգրացիոն քաղաքականություն։
Իսպանիայի վարչապետի խոսքով՝ այս կուսակցությունների ներկայացուցիչները լուծում չեն առաջարկում գործազրկության և ժողովրդագրական իրավիճակի վատթարացման դեմ պայքարի համար։
Նա նշել է, որ որոշ կարևոր տնտեսական ոլորտներում, ինչպիսիք են շինարարությունը, գյուղատնտեսությունը, սոցիալական ապահովագրությունը և զբոսաշրջությունը, աշխատողների շրջանում միգրանտների բաժինը կազմում է մինչև 20-30%: Սանչեսի խոսքով՝ միգրանտների մեծ մասը Իսպանիա է ժամանում Լատինական Ամերիկայից, Հյուսիսային Աֆրիկայից և Միացյալ Նահանգներից:
