Իսրայելի վարչապետ Բենիամին Նեթանյահուն հայտարարել է, որ թույլ չի տա պաղեստինյան պետության ստեղծումը։ Նա այս հայտարարությունն արել է ԱՄՆ մեկնելուց առաջ, որտեղ Նյու Յորքում ելույթ է ունենալու ՄԱԿ-ի Գլխավոր ասամբլեայի 80-րդ նստաշրջանում և Վաշինգտոնում հանդիպելու է ԱՄՆ նախագահ Դոնալդ Թրամփի հետ։
Նա համապատասխան հայտարարությունն արել է ԱՄՆ թռիչքից առաջ, որտեղ, նրա խոսքով, ելույթ կունենա Նյու Յորքում կայանալիք ՄԱԿ-ի Գլխավոր ասամբլեայի 80-րդ նստաշրջանում, ինչպես նաև կհանդիպի ԱՄՆ նախագահ Դոնալդ Թրամփի հետ Վաշինգտոնում։
«Ես գնում եմ ՄԱԿ-ի Գլխավոր ասամբլեա և Վաշինգտոն։ ՄԱԿ-ում ես կասեմ մեր ճշմարտությունը՝ Իսրայելի քաղաքացիների ճշմարտությունը, Իսրայելի զինվորների ճշմարտությունը, մեր պետության ճշմարտությունը: Ես կդատապարտեմ այն առաջնորդներին, ովքեր մարդասպաններին, բռնաբարողներին և երեխաներին այրողներին դատապարտելու փոխարեն ցանկանում են նրանց համար պետություն ստեղծել Իսրայելի սրտում։ Սա տեղի չի ունենա», - ասել է վարչապետը։
«Վաշինգտոնում ես չորրորդ անգամ կհանդիպեմ նախագահ Թրամփի հետ և նրա հետ կքննարկեմ մեր հաղթանակների շնորհիվ բացված հսկայական հնարավորությունները, ինչպես նաև պատերազմի նպատակներին հասնելու անհրաժեշտությունը՝ մեր բոլոր պատանդներին Գազայի հատվածից վերադարձնելու և Համասին հաղթելու միջոցով», - հավելել է Իսրայելի վարչապետը։
