ԱՄՆ նախագահ Դոնալդ Թրամփը ՄԱԿ-ի գլխավոր քարտուղար Անտոնիո Գուտերեշի հետ հանդիպման ժամանակ հայտարարել է, որ չնայած կարող է համաձայն չլինել ՄԱԿ-ի հետ, աջակցում է կազմակերպությանը և կարծում է, որ դրա ներուժը հսկայական է։ ԱՄՆ կողմից հանդիպմանը մասնակցել են պետքարտուղար Մարկո Ռուբիոն, ՄԱԿ-ում երկրի մշտական ներկայացուցիչ Մայք Վալցը և ԱՄՆ նախագահի հատուկ ներկայացուցիչ Սթիվ Ուիտկոֆը։
«Միշտ պատիվ է այստեղ լինելը, բայց այս անգամ, երբ շարժասանդուղքն ու հեռահուշարարը չէին աշխատում, ավելի հետաքրքիր էր։ Այսպիսի բաներ պատահում են։ Մեր երկիրը 100%-ով աջակցում է ՄԱԿ-ին։ Կարծում եմ՝ ՄԱԿ-ն ունի հսկայական ներուժ։ ՄԱԿ-ը կարող է շատ բան անել, և ես աջակցում եմ դրան։ Ես կարող եմ համաձայն չլինել դրա հետ, բայց աջակցում եմ դրան», - ասել է Թրամփը՝ ըստ Սպիտակ տան մամուլի հաղորդագրության։
