Ֆրանսիան մտադիր է 100 միլիոն եվրո հատկացնել լիբանանցիներին օգնելու համար։ Այդ մասին հայտարարել է հանրապետության նախագահ Էմանուել Մակրոնը Փարիզում ի պաշտպանություն Լիբանանի միջազգային համաժողովի ժամանակ։
«ՄԱԿ-ը 426 միլիոն եվրո է պահանջել Լիբանանի համար, Ֆրանսիան 100 միլիոն եվրո կհատկացնի», - ասել է ֆրանսիացի առաջնորդը, ում ելույթը հեռարձակվել է Ելիսեյան պալատի X-ի էջում։
Նա նաեւ հավելել է, որ Ֆրանսիան «կնպաստի լիբանանյան բանակի մատակարարմանը»։ Բացի այդ, նախագահի խոսքով, Փարիզը ողջունում է Լիբանանի զինված ուժերում հավելյալ 6 հազար զինծառայողներ հավաքագրելու ծրագիրը։
Մակրոնը կոչ է արել «հրատապ դադարեցնել կրակը և թույլ տալ բոլոր փախստականներին վերադառնալ իրենց տները»: «Ես ափսոսում եմ, որ Իսրայելը շարունակում է իր ռազմական գործողությունները Լիբանանում՝ երկրի հարավում, Բեյրութում և դրանից դուրս, մինչդեռ քաղաքացիական զոհերի թիվն աճում է», - ասել է նա:
Ավելի վաղ Գերմանիայի իշխանությունները հայտարարել էին Լիբանանին օգնելու համար 60 միլիոն եվրո հատկացնելու մասին։
