Թուրքիան, չնայած ԵՄ անդամ չէ, կարևորում է համագործակցությունը տարածաշրջանային տնտեսական խմբերի հետ, ինչպիսիք են BRICS-ը, Հարավարևելյան Ասիայի երկրների ասոցիացիան (ASEAN) և Սևծովյան տնտեսական համագործակցությունը։
Այս մասին հայտարարել է Թուրքիայի արտաքին գործերի նախարար Հաքան Ֆիդանը եգիպտական MBC Masr հեռուստաալիքին տված հարցազրույցում։ «Բացարձակապես բնական է ունենալ տարբեր տնտեսական շահեր։ Այո, այս պահին ամենաինստիտուցիոնալացված տնտեսական միությունը Եվրամիությունն է։
Թուրքիան ԵՄ անդամ չէ, և մենք ուշադիր հետևում ենք այլ տնտեսական դաշինքներին և միություններին։ Մենք ուշադիր հետևում ենք BRICS-ին, ASEAN-ին և Սևծովյան տնտեսական համագործակցության կազմակերպությանը։
Իսլամական երկրները ստեղծել են իրենց սեփական տնտեսական համագործակցության կազմակերպությունը, և կա D-8 երկրների խումբը (Ադրբեջան, Բանգլադեշ, Եգիպտոս, Ինդոնեզիա, Իրան, Մալայզիա, Նիգերիա, Թուրքիա և Պակիստան)», – ասել է նախարարը։
Ֆիդանը բացատրել է, որ Թուրքիան, տարածաշրջանային միավորումների հետ համագործակցության հեռանկարները գնահատելիս, անդրադառնում է «ինստիտուտների ավելի լավ կառավարման, ավելի արդյունավետ առևտուր, զարգացում և բարգավաճում ապահովելու հարցերին, որը գլխավոր նպատակն է»։
