Հնդկաստանի հյուսիսային Ուտտարախանդ նահանգի Դեհրադունի լեռնային շրջանում վերջին երկու օրերի ընթացքում տեղի ունեցած ուժեղ մուսսոնային անձրևների և սողանքների հետևանքով զոհվել է առնվազն 17 մարդ, իսկ ավելի քան 20-ը անհետ կորել է։
Ըստ The New Indian Express-ի, բնական աղետը զգալի վնաս է հասցրել Դեհրադունի տրանսպորտային ենթակառուցվածքներին, փլուզվել են բնակելի շենքեր և հյուրանոցներ: Հզոր ջրհեղեղը քշել է Ռիսպանա և Բինդալ գետերի կամուրջները, ինչը դժվարացրել է փոթորկից տուժած բնակչությանը օգնություն ցուցաբերելը: Տարածաշրջանի դպրոցները ժամանակավորապես փակվել են, իսկ պետական մարմինների գործունեությունը կասեցվել է:
Ուտտարախանդ նահանգի գլխավոր նախարար Պուշկար Սինգհ Դհամին Դեհրադուն է ուղարկել Աղետների կառավարման ուժերի (DMF) մի խումբ՝ փրկարարական գործողություններ իրականացնելու և բնակչությանը արտակարգ օգնություն ցուցաբերելու համար:
