Իսրայելցի խաբեբա Սիմոն Լևիևը, որի մասին Netflix-ը ֆիլմ է նկարահանել, ձերբակալվել է վրացական իրավապահ մարմինների կողմից Բաթումիի օդանավակայանում, երկուշաբթի օրը հայտնել է վրացական «Ֆորմուլա» հեռուստաընկերությունը։
«Netflix-ի «Tinder Swindler» վավերագրական սերիալի հերոս և հայտնի խաբեբա Սիմոն Լևիևը ձերբակալվել է Բաթումիի օդանավակայանում։
Նա միջազգային հետախուզման մեջ էր Ինտերպոլի «կարմիր ծանուցագրով»։ Նրա փաստաբանների խոսքով՝ ձերբակալման պատճառը դեռևս անհայտ է։ Տեղեկությունը Formula TV-ին հաստատել է Վրաստանի Ներքին գործերի նախարարությունը», - հաղորդում է հեռուստաալիքը։
«Tinder Scammer» ֆիլմը նկարահանել է Ֆելիսիթի Մորիսը և հիմնված է իսրայելցի խաբեբա Սիմոն Լևիևի զոհ դարձած կանանց պատմությունների վրա: Մի շարք լրատվամիջոցների տվյալներով՝ նա կանանցից խաբեությամբ խլել է ավելի քան տասը միլիոն դոլար:
