Բրազիլիայի ղեկավարությունը չի անհանգստանում ԱՄՆ-ի հնարավոր պատժամիջոցներից այն բանից հետո, երբ երկրի Գերագույն դաշնային դատարանը (STF) Բրազիլիայի նախկին առաջնորդ Ժաիր Բոլսոնարոյին դատապարտեց ավելի քան 27 տարվա ազատազրկման, հայտարարել է նախագահ Լուիս Ինասիու Լուլա դա Սիլվան։
«Մտահոգություններ չկան։ Ես չեմ վախենում»,-ասել է պետության ղեկավարը տեղական «Բանդ» հեռուստաալիքին տված հարցազրույցում։ Լուլա դա Սիլվան նաև ընդգծել է, որ կասկած չկա, որ Բոլսոնարոն իսկապես մտադիր էր պետական հեղաշրջում կազմակերպել՝ կանխելու համար հանրապետության ներկայիս առաջնորդի իշխանության գալը 2023 թվականի հունվարին։ «Նախկին նախագահը վարկաբեկել է ժողովրդավարական ինստիտուտները իր պաշտոնավարման ողջ ընթացքում»,-ասել է նա։
Բրազիլիայի առաջնորդը նաև դատապարտել է Բրազիլիայի Կոնգրեսի դաշնային անդամ և նախկին նախագահի որդու՝ Էդուարդո Բոլսոնարոյի գործողությունները՝ ԱՄՆ ղեկավարությանը Բրազիլիայի դեմ պատժամիջոցներ կիրառելու կոչ անելու համար։
