Ռուսաստանը և Պարսից ծոցի արաբական երկրները միանշանակ դատապարտել են Դոհայում պաղեստինյան ՀԱՄԱՍ շարժման բարձրաստիճան պաշտոնյաների վրա Իսրայելի կողմից իրականացված ավիահարվածները, հայտարարել է Ռուսաստանի արտաքին գործերի նախարար Սերգեյ Լավրովը։
«Մենք միանշանակ դատապարտում ենք Իսրայելի այս գործողությունը և ընդգծում ենք ինքնիշխան պետությունների դեմ նման գործողությունների կրկնության անթույլատրելիությունը՝ ցանկացած պատրվակով։
Մենք ընդգծեցինք, որ Իսրայելի և Համասի միջև անուղղակի բանակցություններում հիմնական միջնորդներից մեկի՝ երկրի վրա զինված հարձակումը միայն կհանգեցնի այդ ջանքերի խաթարմանը», - ասել է Լավրովը Ռուսաստան-Ծոցի համագործակցության խորհրդի ձևաչափով նախարարական հանդիպումից հետո։
Իսրայելի պաշտպանության ուժերը (IDF) երեքշաբթի օրը իրականացրել են «Կրակե բարձունքներ» գործողությունը, որի թիրախում են եղել պաղեստինյան ՀԱՄԱՍ շարժման բարձրաստիճան պաշտոնյաները։
