Հնդկաստանի վարչապետ Նարենդրա Մոդին հայտարարել է, որ անհամբեր սպասում է ԱՄՆ նախագահ Դոնալդ Թրամփի հետ հանդիպմանը։
Նրա խոսքով՝ «Հնդկաստանը և ԱՄՆ-ն մտերիմ ընկերներ և բնական դաշնակիցներ են»։ «Մեր թիմերը աշխատում են այս քննարկումները հնարավորինս շուտ ավարտելու ուղղությամբ»։
«Ես նաև անհամբեր սպասում եմ նախագահ Թրամփի հետ հանդիպմանը։ Մենք միասին կաշխատենք՝ մեր ժողովուրդների համար ավելի պայծառ և բարգավաճ ապագա ապահովելու համար», - գրել է Մոդին իր X սոցիալական ցանցի էջում՝ մեկնաբանելով ամերիկացի առաջնորդի այն հայտարարությունը, որ ԱՄՆ-ն և Հնդկաստանը շարունակում են բանակցությունները առևտրային խոչընդոտների վերաբերյալ։
Հնդկաստանի վարչապետը վստահություն է հայտնել, որ երկու երկրների միջև առևտրային բանակցությունները «կբացահայտեն Հնդկաստան-ԱՄՆ գործընկերության անսահման ներուժը»։
